Tik Tok Ban in 2020

 Hi me Deepa Regar aaj me aapke k liye tik tok ban pr ek kahani lekar aai hu.

Ye kahani hai Ravi aur Rahul do doston ki. Vo dono classmates the. Dono ka ghar paas mein hi tha. Lockdown ke karan dono ghar par hi rehte the. In chuttiyon mein vo dono baahot khush the, kyunki na toh unhe school, tution jaana padta aur na hi padhai karni padti. Ve dono poora din tiktok videos dekhte aur banate rehte the. Is wajah se un dono ke pariwaar wale bahot pareshaan ho gaye the. 

Ek din jab Rahul Ravi ke paas aata hai tph Ravi bahot pareshaan dikhta hai. 

Rahul: Kya hua Ravi tum itne pareshaan kyu ho.

Ravi: Subah se koshish kar raha hoon tik tok chalane ki, har baar error bata raha hai. 

Ye baat sunkar Rahul bahot pareshaan ho jaata hai. Achanak peeche se Ravi ki maaki aawaz aati hai. 

"Ravi, Rahul idhar aana aap logon ko kuch dikhana hai."

Dono daudkar Ravi ki maa ke paas jaate hai. 

Ravi: Kya hua maa. 

Maa: Ye dekho beta TV par kya dikha rahe hai, Sarkar ne 56 chinese apps ko ban kar diya hai unmein se tik tok bhi ek hai. 

Ye dekhkar Ravi aur Rahul ke hosh udd jaate hai. Rahul toh aise baitha hota hai jaise use koi sadma laga ho. Ravi ke bhi haal behaal ho rahe hote hai. 

Office khatam hote hi Ravi ke Papa ghar aate hai. Ghar mein ghuste hi Ravi aur Rahul ki aisi stithi ko dekhkar poochte hai,

Papa: Ravi kya hua aise bejaan hokar sofe pe kyu pade hue ho. 

Zaroor tumhari maa ne danta hoga, fikar mat karo mein bolta hoon tumhari maa ko. 

Ravi: Nahi papa maa ne kuch nhi kaha, wo aaj tik tok ban hogaya. 

Papa: Haan maine bhi padha uske baare mein, par beta tum itne dukhi kyu ho rahe ho. 

Ravi: Aap nhi samjhoge papa. 

Papa: Ise kya hua ye kyu aise baitha hai. 

(Rahul ki ore ishara karte hue bolte hai) Chalo chalo ab khana khalo aur so jao kal baat karenge iske baare mein. 

Rahul apne ghar chala jaata hai. 

Agle din (Rahul ke ghar mein)

Rahul ki maa Rahul ko uthane ke liye uske kamre mein jaati hai. 

Achanak vo cheekh padti hai.

Unke pairo tale zameen khisak jaati hai. Jo unhone dekha uspar unko vishwaas nhi horaha tha. Zor se chillate hue kamre ke andar jaati hai aur Rahul se lipat jaati hai. Rahul panke se latak kar apni jaan de chuka hota hai. Usne phansi laga kar suicide kar liya tha. Poore ghar mein maatam ka mahol cha gaya. 

Idhar Ravi apne ghar mein Rahul ka intejaar kar raha hota hai lekin Rahul ke na aane ki wajeh se vo unke ghar jaane ki sochta hai. Ravi jab Rahul ke ghar ke paas pahonchta hai, usko rone ki aawaze sunai deti hai. Ravi thoda sa dar jaata hai. Rahul ke ghar ke andar bahot saare log jama hokar rehte hai. Ravi ko lagta hai ki kuch na kuch bura hua hai. Ravi ghar ke andar jaate hi dekhta hai ki Rahul mar chuka hai.

Ravi ki aankhon se aansoon behne lagte hai, zor zor se rota hai. Ravi Rahul ko is halat mein nhi dekh paay aur rote rote apne ghar aata hai. Tabhi uske papa office jaa rahe hote hai. Unhone Ravi ko is halat mein dekh poocha,

Papa: Kya hua Ravi tum ro kyu rahe ho. 

Ravi: Papa Rahul ne suicide karliya papa,

Ye kya karliya Rahul ne papa, maine kabhi socha hi nhi tha ki Rahul aisa kar sakta hai. 

Papa: Beta Ravi, jo Rahul ne koya galat kiya. Use aisa nhi karna chahiye tha. Akhir ek app(tik tok) hi toh tha aaj nhi toh kal uske jaisa app India mein ban jaata.

Tum logon ko bas is baat ka dukh hai ki tik tok ban hogaya lekin aap logon ko ye nhi pata ki china ne hamare 20 jawano ko maar dala. Isliye bharat sarkar ne ye faisla kiya ki china ke jitne bhi apps hai unhe ban kardiya jaaye. Ye bahot acha kiya sarkar ne. Lekin in chinese app ke peeche hum log apni jaan dene lage ye achi baat nhi. 

Aise Ravi ke papa ne Ravi ko samjhaya. 

Ravi ne kaha: Haan papa sahi kaha aapne hum log andhe hogaye the tik tok ke peeche. Rahul ne bahot badi galti kardi suicide karke. Humne ye nhi socha ki in apps ko kyu ban kiya gaya hai. 

Iske baad Ravi ek bahot bada faisla leta hai aur kehta hai "Mein kabhi bhi china ke apps aur uske products ka prayog nhi karoonga. Aur kisi bhi app ya game ke peeche itna paagal nhi hounga."

Is tarah Ravi ne ek achi baat seekhi lekin usne apne best friend Rahul ko kho diya. 

Moral: Is kahani se hume ye seekh milti hai ki hume kabhi bhi kisi cheez se zyada lagao nhi rakhna chahiye. 

Agar meri ye kahani aapko pasand aayi ho toh apne facebook pe share kare aur whats app pe status lagakar support kare. 

Kahani kaisi lagi comment section mein zaroor bataye.

Thank you.